Azərbaycan Respublikası Baş nazirinin birinci müavini Yaqub Eyyubov Tacikistan Respublikasına işgüzar səfər etmişdir
Azərbaycan Respublikası Baş nazirinin birinci müavini Yaqub Eyyubov Müstəqil Dövlətlər Birliyi (MDB) İqtisadi Şurasının 107-ci iclasında iştirak etmək üçün 4-5 sentyabr 2025-ci il tarixlərində Tacikistan Respublikasının Düşənbə şəhərinə işgüzar səfər etmişdir.
5 sentyabr 2025-ci il tarixdə Tacikistan Respublikası Baş nazirinin birinci müavini Hokim Xolikzodənin sədrliyi ilə keçirilmiş iclasın gündəliyinə 27 məsələ daxil edilmiş və 17 sənəd daha sonra cari ilin sentyabr ayının 29-da Minskdə keçiriləcək Hökumət Başçıları Şurasına təqdim olunacağı bildirilmişdir.
İclas zamanı bir sıra vacib məsələlər müzakirə olunmuşdur.
İqtisadi Şuranın növbəti iclasının cari il dekabr ayının 5-də Moskvada keçirilməsi planlaşdırılmışdır.
Həmin gün, Baş nazirin birinci müavini Yaqub Eyyubovun Tacikistan Respublikasına səfəri başa çatmışdır.
